काठमाडौं । पछिल्लो २४ घण्टामा थप २ हजार ५६८ जनामा कोरोना संक्रमण पुष्टि भएको छ ।
स्वास्थ्य तथा जनसंख्या मन्त्रालयका अनुसार ८ हजार ४०२ पीसीआर परीक्षणमा १ हजार ९८१ र ४ हजार २३४ एन्टिजेन परीक्षणमा ५८७ जनामा संक्रमण पुष्टि भएको हो ।
मन्त्रालयका अनुसार उक्त अवधिमा थप २ हजार २० जना कोरोना संक्रमणमुक्त भएका छन् । थप १८ जनाको मृत्यु भएको हो ।
हालसम्म नेपाल कुल कोरोना संक्रमितको संख्यामा ६ लाख ९७ हजार ३७० पुगेको छ ।
३१ हजार २९८ जना संक्रिय संक्रमित रहेका छन् । हालसम्म कोरोना संक्रमणमुक्त हुनेको संख्या ६ लाख ५६ हजार १९७ पुगेको मन्त्रालयले जनाएको छ ।
यस्तै, नेपालमा कोरोना संक्रमणबाट हालसम्म ९ हजार ८७५ जनाले ज्यान गुमाएका छन् ।
वि.सं.२०७८ साउन १७ आइतवार १७:१९ मा प्रकाशित