काठमाडौं । आरएमडीसी लघुवित्त वित्तीय संस्थाले आजदेखि संस्थापक सेयर लिलामीमा ल्याएको छ । कम्पनीले एनआईसी एशिया बैंकको स्वामित्वमा रहेको ३ लाख १० हजार १६५ कित्ता सेयर लिलामीमा ल्याएको हो ।
न्युनतम मूल्य प्रतिकित्ता ५०६ रुपैयाँमा बिक्री गर्ने बैंकको निर्णय अनुसार उक्त सेयर खरिद गर्न योग्य इच्छुक विद्यमान संस्थापकहरु वा जो कोही व्यक्ति, कम्पनी, संघ/संस्थाहरुले आवेदन दिन सक्नेछन् ।
आवेदन पेश गर्दा तोकिएको न्युनतम मूल्य भन्दा बढी अंकित गरि साउन २९ गतेभित्र बुझाउनुपर्ने कम्पनीले जनाएको छ । उक्त सेयर खरिदका लागि न्युनतम १ सय कित्ताका लागि र अधिकतम सम्पूर्ण कित्ताका लागि आवेदन दिन सकिने छ ।
बिक्री प्रबन्धकमा एनआईसी एशिया क्यापिटल लिमिटेड रहेको छ ।
वि.सं.२०७८ साउन १९ मंगलवार १२:५६ मा प्रकाशित
