काठमाडौं । निर्धन उत्थान लघुवित्त वित्तीय संस्थाले गत आर्थिक वर्ष २०७७/७८ को चौथो त्रैमासिक वित्तीय विवरण सार्वजनिक गरेको छ ।
कम्पनीले उक्त अवधिमा ९१ करोड ९१ लाख ७३ हजार रुपैयाँ नाफा कमाएको छ । जुन अघिल्लो आवको सोही अवधिको तुलनामा २२३.२५ प्रतिशतले बढी हो । अघिल्लो वर्ष कम्पनीले २८ करोड ४३ लाख ४५ हजार रुपैयाँ नाफा कमाएको थियो ।
उक्त अवधिमा कम्पनीले खुद ब्याज आम्दानी ४३.५३ प्रतिशतले बढाएर २ अर्ब १४ करोड ३३ लाख ४० हजार रुपैयाँ पुर्याउन सफल भएको छ ।
अघिल्लो आवमा कम्पनीको खुद ब्याज आम्दानी १ अर्ब ४९ करोड ३२ लाख ३८ हजार रुपैयाँ रहेको थियो । गत वर्ष कम्पनीले ४ अर्ब २६ करोड २३ लाख २३ हजार रुपैयाँ खराज कर्जा उठाएको छ ।
कम्पनीको चुक्तापुँजी १ अर्ब ६९ करोड ५० लाख रुपैयाँ रहेको छ । कम्पनीले जगेडा तथा कोषमा भने २ अर्ब ८० करोड १० लाख ४६ हजार रुपैयाँ राखेको छ ।
कम्पनीको निष्क्रिय कर्जामा भने बढोत्तरी देखिएको छ । अघिल्लो आवको चौथो त्रैमासमा १.८३ प्रतिशत रहेको निष्क्रिय कर्जा गत वर्षको सोही अवधिमा आईपुग्दा बढेर ४.११ प्रतिशत पुगेको छ ।
कम्पनीको प्रतिसेयर आम्दानी ५४ रुपैयाँ २२ पैसा र प्रतिसेयर नेटवर्थ २६५ रुपैयाँ २५ पैसा रहेको छ ।
वि.सं.२०७८ साउन २१ बिहीवार १२:१९ मा प्रकाशित