काठमाडौं । सरकारले ७ वटा निर्माण व्यवसायी तथा आपूर्तिकर्ता कम्पनीलाई कालोसूचीमा राखेको छ ।
सार्वजनिक खरिद अनुगमन कार्यालयले निकालेको सूचना अनुसार विभिन्न सार्वजनिक नियकाहरुबाट लेखी आए बमोजिम आज (२१ गतेदेखि) लागू हुनेगरी सार्वजनिक खरिद ऐन २०६३ को दफा ६३ को उपदफा १ बमोजिम ७ वटा निर्माण व्यवसायी तथा आपूर्तिकर्ताहरुलाई कालोसूचीमा राखिएको हो ।
कार्यालयका अनुसार ७ वटामध्ये १ वटालाई १ वर्ष र एक वटालाई २ वर्षको लागि कालोसूचीमा राखिएको छ । कार्यालयका अुनसार बिक्रम कुमार नेवार संचालक रहेको ए.के. एण्ड गान्बा कन्स्ट्रक्सनलाई २ वर्षको लागि कालोसूचीमा राखिएको छ ।
यस्तै भीमप्रसाद श्रेष्ठ संचालक रहेको कालिगंगा निर्माण सेवा, भूमि प्रसाद ढुंगाना संचालक रहेको कण्टा निर्माण सेवा, देव सिंह विष्ट संचालक रहेको लाटिनाथ कन्स्ट्रक्सन सेवा, दिपक बस्नेत संचालक रहेको अम्बर सप्लायर्स एण्ड टे«डर्स, अब्दुला खान सञ्चालक रहेको आविद निर्माण सेवा र अंगत खड्का संचालक रहेको बिक्रम खाद्य स्टोर रहेका छन् ।
वि.सं.२०७८ साउन २१ बिहीवार १७:५१ मा प्रकाशित
