काठमाडौं । इन्फिनिटी लघुवित्त वित्तीय संस्था र नेपाल एग्रो लघुवित्तले भदौ ४ गतेबाट एकीकृत कारोबार सुरु गर्ने भएका छन् ।
इन्फिनिटीले नेपाल एग्रो लघुवित्तलाई प्राप्ति(एक्जिजिशन) गने पश्चात इन्फिनिटी लघुवित्तको नामबाट एकीकृत कारोबार सुरु गर्न लागेको हो ।
दुबै संस्थाले गत असार २१ गते अलग अलग स्थानमा बसेको साधारण सभाबाट पारित विशेष प्रस्ताव बमाजिम नेपाल राष्ट्र बैंकको साउन १५ गतेको पत्रबाट प्राप्ति गर्ने अन्तिम स्वीकृत पाएको थियो ।
सोही सन्दर्भमा नेपाल सरकार उद्योग वाणिज्य तथा आपूर्ति मन्त्रालय, कम्पनी रजिष्ट्रारको कार्यालयको साउन २२ गतेको पत्रबाट एकीकृत कारोबार गर्ने भएको छ ।
एकीकृत कारोबार गर्दा दुबै संस्थाको तथ्याङ्कलाई एउटै सफ्टवेरबाट वित्तीय कारोबार गर्नुपर्ने व्यवस्था मिलाउन पर्ने भएकाले भदौ ३ गते एक दिनका लागि नेपाल एग्रो लघुवित्तको सम्पूर्ण कारोबार बन्द हुने बताइएको छ ।
वि.सं.२०७८ साउन २४ आइतवार १०:३७ मा प्रकाशित
