काठमाडौं । साताको दोस्रो कारोबार दिन आधा दर्जन कम्पनीको सेयर मूल्यमा उछाल आएको छ । सोमबार ६ कम्पनीको सेयर मूल्यमा सकरात्मक सर्किट लागेको हो ।
उक्त दिन आईसीएफसी, कर्पोरेट डेभलपमेन्ट बैंक, हिमालयन पावर, नेपाल हाइड्रो, यूनियन हाइड्रोपावर, जीवन विकास लघुवित्तको सेयर मूल्य १० प्रतिशतले वृद्धि भएको हो ।
उक्त दिन आईसीएफसीको सेयर मूल्य प्रतिकित्ता ६७ रुपैयाँ २० पैसाले वृद्धि भई ७३९ रुपैयाँ २० पैसा, कर्पोरेट डेभलपमेन्ट बैंकको प्रतिकित्ता ८८ रुपैयाँले वृद्धि भई ९६८ रुपैयाँ, हिमालयन पावरको प्रतिकित्ता ६२ रुपैयाँ ८० पैसाले वृद्धि भइर्ए ६९० रुपैयाँ ८० पैसा पुगेको छ ।
यस्तै, आज नेपाल हाइड्रोको सेयर मूल्य प्रतिकित्ता ६२ रुपैयाँले बढेर ६८२, यूनियन हाइड्रोपावरको प्रतिकित्ता ४५ रुपैयाँ ५० पैसाले बढेर ५ सय रुपैयाँ ५० पैसा र जीवन विकास लघुवित्तको प्रतिकित्ता १६५ रुपैयाँ ६० पैसाले बढेर १ हजार ८२२ रपैयाँ ४० पैसा पुगेको छ ।
वि.सं.२०७८ साउन २५ सोमवार १५:०७ मा प्रकाशित
