काठमाडौं । सिनर्जी पावर डेभलपमेन्ट कम्पनीले आउँदो भदौ १८ गते वार्षिक साधारणसभा गर्ने भएको छ ।
मंगलबार बसको कम्पनीको संचालक समितिको बैठकले उक्त दिन सभा गर्ने निर्णय गरेको हो । सभा प्रयोजनका लागि कम्पनीले सभा प्रयोजनका लािग भदौ ४ गतेदेखि १८ गतेसम्म बुक क्लोज गर्ने भएको छ ।
सभा रजिष्टार्ड कार्यलय काठमाडौं महानगरपालिका–४ वालुवाटर स्थित कार्यलयबाट भर्चुअल माध्यमबाट संचालन हुने कम्पनीले जनाएको छ ।
कम्पनीले एकै पटक लाभांश र हकप्रद सेयर दिने प्रस्ताव गरेको छ । कम्पनीको साउन २४ गते बसेको संचालक समितिको बैठकले आर्थिक वर्ष २०७७/०७८ को मुनाफाबाट १०.५२ प्रतिशत लाभांश दिने प्रस्ताव गरेको छ ।
कम्पनीले चुक्ता पुँजीको १० प्रतिशतले हुन आउने १० प्रतिशत अर्थात ७ करोड ३३ लाख २५ हजारको सेयर बोनस सेयर र कर प्रयोजनका लागि ०.५२ प्रतिशत अर्थात ३८ लाख ५९ हजार ९४ रुपैयाँ ७५ पैसा रुपैयाँ दिने प्रस्ताव गरेको छ । कम्पनीको उक्त प्रस्ताव आगामी साधारणसभाले पारित गरेपछि लगानीकर्ताले पाउने भएका छन् ।
कम्पनीले लाभांश घोषणा गरेको दिन नै हकप्रद सेयर पनि दिने प्रस्ताव गरेको छ । जसमा बोनस वितरण पनि हुने चुक्ता पुँजीको २ः१ को अनुपातमा हकप्रद सेयर जारी गर्ने भएको छ ।
वि.सं.२०७८ साउन २७ बुधवार १३:०० मा प्रकाशित
