काठमाण्डौं । नेकपा माओवादी विप्लव समूहले गरेको बन्दका कारण सर्वसाधारण मारमा परेको भन्दै नेपाल प्रहरी निःशुल्क बस सेवा सञ्चालन गरेको छ।
‘नागरिक सहजताको लागि’ भन्दै साँझ ५ बजे सम्मका लागि दुई रुटमा बस सञ्चालनमा ल्याइएको हो। रुट १ अन्तर्गत कलंकी-कालिमाटी -त्रिपुरेश्वर-सहिदगेट-रत्नपार्क-दरबारमार्ग-नक्साल-पुतलीसडक-माइतीघर-कुपन्डोल-पुल्चोक-जावलाखेल-एकान्तकुना-बल्खु रुटमा बस चल्नेछ।
यस्तै रुट नम्बर २ अन्तर्गत नक्साल -मैतीदेवी -गौशाला -कोटेश्वर -तीनकुने -बबरमहल -माइतीघर -त्रिपुरेश्वर -सहिदगेट -लैनचौर -लाजिम्पाट -नारायणगोपाल चोक -बालुवाटार हुँदै नक्साल रुटका लागि निस्शुल्क बस सेवा सञ्चालनमा ल्याइएको नेपाल प्रहरीले जनाएको छ।
२७ जेठ २०७३, ११।००
वि.सं.२०७३ जेठ २७ बिहीवार १४:२९ मा प्रकाशित
