काठमाडौं । नेष्डो समृद्ध लघुवित्त वित्तीय संस्थाले गत आर्थिक वर्ष २०७७÷७८ को चौथो त्रैमासिक वित्तीय अवस्था सार्वजनिक गरेको छ ।
गत आवमा कम्पनीले १६ करोड ३३ लाख ८ हजार रुपैयाँ नाफा कमाएको छ । जुन अघिल्लो आवको सोही अवधिको तुलनामा ६८.८३ प्रतिशतले बढी हो । अघिल्लो आवमा कम्पनीले ९ करोड ७८ लाख ८७ हजार रुपैयाँ नाफा कमाएको थियो ।
उक्त अवधिमा कम्पनीको खुद ब्याज आम्दानी ४१ करोड १६ लाख ३० हजार रुपैयाँ रहेको छ । अघिल्लो आवको तुलनामा कम्पनीको खुद ब्याज आम्दानी १.४६ प्रतिशतले मात्र बढी हो । अघिल्लो आवमा ४० करोड ५६ लाख ९८ हजार रुपैयाँ आम्दानी गरेको थियो ।
यस्तै, कम्पनीको जम्मा संचालन मुनाफा भने ४८ करोडड ७८ लाख ८२ हजार रुपैयाँ रहेको छ । कम्पनीको खराब कर्जा भने ह्वात्तै बढेको देखिन्छ । अघिल्ला आवमा २.१७ प्रतिशत रहेको खराज कर्जा गत आवमा बढेर ६.९७ प्रतिशत पुगेको छ ।
कम्पनीको चुक्तापुँजी १७ करोड २१ लाख २५ हजार रुपैयाँ रहेको छ । कम्पनीले जगेडा तथा कोषमा ४२ करोड ७३ लाख २५ हजार रुपैयाँ राखेको छ ।
वि.सं.२०७८ भदौ ३ बिहीवार ११:२३ मा प्रकाशित
