काठमाडौं । सिभिल बैंकले कञ्चनपुर जिल्लाको महेन्द्रनगरमा ११५औं शाखा संचालनमा ल्याएको छ । उक्त शाखाको भीमदत्त नगरपालिका नगर प्रमुख सुरेन्द्र विष्टले उद्घाटन गुर्नभएको थियो ।
उद्घाटनपछि प्रमुख विष्टले महेन्द्र नगरमा वित्तीय पहुँच वृद्धि गर्नको साथै वित्तीय स्तर बढाउन यस शाखाले टेवा पु¥याउने बताउनुभयो ।
उहाँले व्यापार व्यवसाय विस्तार तथा रोजगारी श्रृजनाका लागि अनुकुल वातावरणलाई प्रोहत्साहन गरेकोमा बैंकलाई धन्यवाद समेत व्यक्ति गर्नुभएको थियो ।
साथै उक्त क्षेत्रका बासिन्दाहरुलाई आफुलाई आवश्यक पर्ने पुँजीको लागि बैंकबाट कर्जा लिई आफ्नो व्यवसाय विस्तार गर्न तथा आफुसंग भएको सानो–सानो पुँजीलाई पनि बैंकमा राखी निर्धक्क व्याज आर्जन गर्न आग्रह गर्नुभयो ।
सोही अवसरमा सिभिल बैंकका डिपोजिट तथा ट्रान्ज्याक्सन बैंकिङ्गका प्रमुख भोला बहादुर विष्टले आर्थिक समृद्धिको सहयात्री भएकाले बैंकहरुको सहभागिता बिना सम्भब नहुने बताउनुभयो ।
पूर्व मेचीदेखि पश्चिममहाकाली सम्म नेपालभर छरीएका ११५ शाखाहरु गुणस्तरिय सेवा प्रदान गर्न कटिवद्घ रहेको बताउनुभयो । साथै हाल विश्व व्यापी रुपमा फैलिएको कोरोना महामारीको विषम परिस्थितिमा बजारमा प्रदान गरीएको व्याजदर भन्दा सिभिल बैंकले सर्वाधिक प्रदान गरींदै आएकोले यसको लाभ उठाउन अपिल समेत गर्नुभयो ।
बैंकले हालसम्म करिव ६ लाख ग्राहकहरुलाई ११५ शाखाहरु, १० एक्सटेन्सन काउन्टरहरु तथा ८६ एटियमहरु मार्फत सम्पुर्ण बैंकिङ्ग सेवा तथा सुविधाहरु प्रदान गर्दै आएको छ । बैंकले करिब ९२ अर्ब रुपैयाँ निक्षेप परिचालन गरी ८५ अर्ब रुपैयाँभन्दा बढी कर्जा लगानी गरीसकेकोे छ ।
वि.सं.२०७८ भदौ ३ बिहीवार १४:३५ मा प्रकाशित
