काठमाडौं । नेपाल उद्योग वाणिज्य महासंघका अध्यक्ष शेखर गोल्छाले ७६ करोड ७० लाख ४७ हजार रुपैयाँ राज्यबाट राजस्व छुट लिएको देखिएको छ । महालेखापरीक्षकको कार्यालयले सार्वजनिक गरेको ५८ औं प्रतिवेदन-२०७८ मा उक्त कुरा उल्लेख गरिएको छ ।
कार्यालयका अनुसार भैरहवा भन्सार कार्यालयबाट बजाजका मोटरसाइकलहरु कम्प्लिटली नक्ड डाउन (सी.के.डी) अवस्थाका उल्लेख थरी ५ अर्ब ५८ करोड २५ लाख ८ हजार मूल्यको पैठारी गर्दा भन्सार जाँचपासका क्रममा अन्तःशुल्क ६७ करोड ८८ लाख ३ हजार रुपैयाँ मूल्य अभिवृद्धि कर ८ करोड ८२ लाख ४४ हजार समेत ७६ करोड ७० लाख ४७ हजार रुपैयाँ राजस्व छुट लिएको छ ।
प्रतिवेदनमा अध्यक्ष गोल्छाले आय विवरणसाथ पेश गरेको वित्तीय विवरणमा एक विदेशी कम्पनीका मोटरसाइकलहरु सी.के.डी अवस्थामा ल्याई एसेम्बल गर्दा ३.८१ प्रतिशत मूल्य अभिवृद्धि भएको उल्लेख छ ।
सरकारले पैठारीकर्तालाई लाग्ने अन्तशुल्कमा २५ प्रतिशत छुट दिएको उल्लेख छ । सरकारले दिएको राजस्व छुट बराबरको पनि मूल्य अभिवृद्धि नहुँदा राजस्व छुटको लाभ दिएको छ ।
सरकारले दिएको राजस्व छुट बराबरको पनि मूल्य अभिवृद्धि नहुँदा राजस्व छुटको लाभ पैठारीकर्ताले मात्र प्राप्त गरेको प्रतिवेदनमा उल्लेख छ । त्यसबाट अर्थतन्त्र एंव उपभोक्तालाई योगदान पुगेको नदेखिएको उल्लेख छ ।
अन्तशुल्क तथा मूल्य अभिवृद्धि करमा छुट दिएतापनि तयारी मोटरसाइकल पैठारी गरेको भन्दा कम मूल्यमा सर्वसाधारणले खरिद गर्न सक्ने नभई एसेम्बल प्रणाली औचित्यपूर्ण नभएको उल्लेख छ ।
वि.सं.२०७८ भदौ ८ मंगलवार १२:२० मा प्रकाशित