काठमाडौं । स्वावलम्बन लघुवित्त वित्तीय संस्थाले आजदेखि संस्थापक सेयर बिक्री गर्न लागेको छ ।
कम्पनीका संस्थापक सेयरधनी आशिषराज पाण्डेले आफ्नो नाममा रहेको १८ हजार कित्ता संस्थापक सेयर बिक्री गर्न लाग्नुभएको हो । उक्त सेयरको न्युनतम मूल्य ६७५ रुपैयाँ तोकिएको छ ।
उक्त सेयर खरिदका लागि विद्यमान संस्थापक सेयरधनीलाई प्राथमिकता दिएकाले सूचना प्रकाशित भएको ३५ दिन भित्र (आजैका मितिदेखि) आवेदन दिन सक्नेछन् ।
उक्त सेयर खरिदका संस्थापक सेयरधनीहरुबाट तोकिएको समयमा आवेदन नपरेमा प्रचलित कानुन बमोजिम अन्य व्यक्ति, संस्थालाई बिक्री गर्ने कम्पनीको सूचनामा उल्लेख छ ।
वि.सं.२०७८ भदौ १० बिहीवार १२:५२ मा प्रकाशित