काठमाडौं । डिप्रोक्स लघुवित्त वित्तीय संस्थाले नगद लाभांश लिनका लागि अनुरोध गरेको छ । एक सूचना निकाल्दै कम्पनीले नगद लाभांश भुक्तानी लिन बाँकी रहनुभएका सेयरधनीलाई अनुरोध गरेको हो ।
विभिन्न वार्षिक साधारणसभाबाट पारित भएको नगद लाभांश नबुझेका बाँकी सेयरधनीहरुलाई लाभांश लिनका लागि अनुरोध गरेको छ ।
सेयरधनीहरुले आफ्नो सेयर प्रमाणपत्र र कुनै परिचयपत्र लिई विभिन्न आवमा कम्पनीको सेयरधनी रहनुभएका तर हाल सेयर बिक्री गरिसक्नुभएका तत्तकालिन सेयरधनीहरुले आवश्यक कागजातको प्रतिलिपीसहित सेयर रजिष्ट्रार सिद्धार्थ क्यापिटलमा सम्पर्क गरि नगद लाभांश लिन अनुरोध गरेको छ ।
अन्यथा कम्पनी ऐन २०६३ को दफा १८३(९) बमोजिम आव २०७१/७२ (पाँच वर्ष पुरानो) सम्मको बुझ्न बाँकी रहेको नगद लाभांश रकम कम्पनी ऐन २०६३ को दफा १८३ बमोजिम स्थापना भएको लगानीकर्ता संरक्षण कोषमा जम्मा हुने बताइएको छ ।
विभिन्न वार्षिक साधारसभाबाट पारित भएको नगद लाभांश बुझ्न बाँकी रहेका सेयरधनीहरुको नाम कम्पनीको वेवसाइट www.ddbank.org.np मा राखिएको बताइएको छ ।
वि.सं.२०७८ भदौ ११ शुक्रवार १२:३८ मा प्रकाशित
