काठमाडौं । नेपाल बैंकर्स संघका अध्यक्ष भुवन दाहाल दाहालले बैंकहरुको नाफा घट्दै गएकोमा चिन्ता जनाउनु भएको छ । नाफिजले मौद्रिक नीति कार्यान्वयन सम्बन्धी आयोजना गरेको अन्तकृया कार्यक्रममा उहाँले यस्तो बताउनु भएको हो ।
कार्यक्रममा अधयक्ष दाहालले अहिले बैंकहरुको नाफा थ्रेसहोल्ड भन्दा पनि कम हुन थालेको भन्दै यसले आम्दानी दिनमा समस्या सृजना गर्ने बताउनुभयो । बैंकहरुको लगानीको तुलनामा नाफा निकै कम भएको स्मरण गराउनुभयो ।
करोडौ लगानी गर्ने अनी नाफा १२, १३ प्रतिशत भन्दा पनि कम हुँदै जाँदा भविश्यमा समस्या पर्ने उहाँको धारणा छ । कार्यक्रममा अध्यक्ष दाहालले सीडी रेसियो पुसमा ९२, चैतमा ९१ र असारमा ९० प्रतिशतमा ल्याउन आग्रह गर्नुभयो ।
उहाँले गाँउघरमा जतिसक्दो कर्जा दिने व्यवस्था गर्न आवश्यक रहेको बताउनुभयो । गाँउमा धेरै ब्याजदर रहेको कारण बैंकबाट कर्जा दिने व्यवस्था गर्ने हो भने ऋण लिने व्यक्ति धेरै महंगो ब्याजमा नपर्ने बताउनुभयो । उहाँले साना ऋणीलाई प्राथमिकतामा राख्न आग्रह गर्नुभयो ।
वि.सं.२०७८ भदौ ११ शुक्रवार १५:५९ मा प्रकाशित
