काठमाडौं । धादिङको गल्छीमा माइक्रोले मोटरसाइकललाई ठक्कर दिदाँ एक जनाको मृत्यु भएको छ । गल्छी गाउँपालिका ७ फिस्टेखोलामा आज बिहान सो दुर्घटना भएको हो ।
लमजुङको बेसीशहरबाट काठमाडौँतर्फ आउँदै गरेको बा २ ख ७४८३ नम्बरको माइक्रोले सोही दिशातर्फ आउँदै गरेको बा ४९ प ३०१५ नम्बरको मोटरसाइकललाई ठक्कर दिएको थियो । दुर्घटनामा परि मोटरसाइकलको पछाडि सवार नुवाकोट जिल्ला विदुर नगरपालिका १२ भट्टगाउँका २० वर्षीय रामकृष्ण भट्टको मृत्यु भएको छ ।
माइक्रोको ठक्करबाट गम्भीर घाईते भई उपचारका लागि काठमाडौँ ल्याउँदै गर्दा बाटोमै मृत्यु भएको प्रहरीले जनाएको छ ।
बाइक चालक सोहि ठाउँका २३ वर्षीय हरिप्रसाद भट्ट घाईते भएका छन् । उनको काठमाडौँ स्थित ग्राण्डी अस्पतालमा उपचार भइरहेको बताइएको छ ।
२०७६ असोज २४ गते प्रकाशित
वि.सं.२०७६ असोज २४ शुक्रवार १६:४१ मा प्रकाशित
