काठमाडौ । आरएसडीसी लघुवित्त वित्तीय संस्थाको २०० प्रतिशत हकप्रद भर्ने सोमबार (कात्तिक २०) गते अन्तिम दिन हो । १ः२ अनुपातको यो हकप्रद सोमबार कार्यालय समय अबधिभित्रमा भरिसक्नुपर्नेछ ।
कम्पनीले असोज २ गतेदेखि कात्तिक ५ गतेसम्मका लागि हकप्रद सेयर बिक्री खुला गरेको थियो । तर यो अवधिमा दसैैंको लामो विदा परेकाले म्याद थप गरी कात्तिक २० गतेसम्म आवेदन दिन मिल्ने बनाएको हो ।
आरएसडीसीले १०० रुपैयाँ अंकित मूल्यको २३ लाख २५ कित्ता हकप्रद सेयर निष्कासन गरेको हो । यसमा भदौ १५ गतेसम्म कायम रहेका सेयरधनीले मात्र आवेदन दिन सक्नेछन् । यसको बिक्री प्रबन्धकको का एनआइबीएल क्यापिटल मार्केट्सले गरेको छ । मार्केट्सको कार्यालय लाजिम्पाट, काठमाडौ तथा आरएसडीसी लघुवित्त वित्तीय संस्थाको कालिकानगर–१२, बुटवल कार्यालयबाट हकप्रद भर्न सकिनेछ । त्यसैगरी, नेपाल इन्भेष्टमेन्ट बैंकको काठमाडौ उपत्यका बाहिरका सम्पूर्ण शाखा कार्यालयबाट पनि आवेदन दिन सकिनेछ ।
यस्तै आरएसडीसी लघुवित्त वित्तीय संस्थाले लगानीकर्तालाई १३ प्रतिशत बोनस सेयर दिने भएको छ । कम्पनीले कर तिर्न ०.६८ प्रतिशत नगद लाभांश पनि दिने प्रस्ताव पनि गरेको छ । आरएसडीसीले आर्थिक वर्ष २०७३–७४ को सञ्चित मुनाफाबाट २०७४ असार मसान्तसम्म कायम चुक्ता पुँजीको १३ प्रतिशतका दरले बोनस सेयर दिन लागेको हो । कम्पनीको असोज ७ मा बसेको सञ्चालक समिति बैठकले यस्तो निर्णय गरेको थियो । उक्त प्रयोजनको लागि कम्पनिले कार्तिक २४ गतेदेखि पुन बुक क्लोज गर्दैछ ।
प्रकाशित मितिः२०७४ कार्तिक २०
वि.सं.२०७४ कात्तिक २० सोमवार १२:०३ मा प्रकाशित
