काठमाडौँ । अनेरास्ववियुको २२ औँ राष्ट्रिय सम्मेलन आउन १० दिन मात्र बाँकी रहेका बेला पार्टी अध्यक्ष केपी शर्मा ओली निकट समूले आफ्नो तर्फको उम्मेदवार टुङ्गो लगाएको छ । आइतबार राजधानीको अल्फाबीटामा एक कार्यक्रमको आयोजना गरी वर्तमान महासचिव नविना लामालाई भावी अध्यक्षको उम्मेदवार बनाएको छ ।
अध्यक्षको दाबी गरिरहेका उपाध्यक्ष ऐन महर भने महासचिवको उम्मेदवार बनेका छन् । उपाध्यक्षहरुमा रस्मी आचार्य, महेश बर्तौला, शैलेश लामा, सुनिता बरालको नाम टुंग्याएको बताइएको छ । अध्यक्ष केपी ओली पक्षबाट पोलिट्ब्यूरो सदस्य भानुभक्त ढकालको संयोजकत्वमा गठित समितिले नविनालाई अध्यक्षको उम्मदेवार बनाउने निर्णय गरेको थियो ।
त्यस निर्णयलाई सार्वजनिक गरेको अनेरास्ववियुका एक सचिवालय सदस्यले जानकारी दिए । ढकालको संयोजकतव्मा पूर्वअध्यक्षहरु खिमलाल भट्टराई, माधव ढुंगेल र किशोरविक्रम मल्ल सदस्य रहेको कमिटीले यस्तो निर्णय गरेको हो ।
माधव नेपाल पक्षबाट भने अध्यक्षका लागि दीपक गौतमको नाम पक्का भइसकेको छ । उक्त समूहबाट महासचिवको भने अझै टुंगो लागको छैन ।
१७ माघ २०७२
वि.सं.२०७२ माघ १७ आइतवार १८:४९ मा प्रकाशित
