काठमाण्डौं । आज बिहानका लागि डाकिएको मन्त्रीपरिषदको वैठक अचानक स्थगित भएपछि डेपुटी गभर्नरको नियुक्तीको टुंगो लाग्न सकेको छैन ।
नेपाल राष्ट्र बैंकका गभर्नर डा। चिरञ्जिवी नेपालले गत साता नै चार जना उमेद्वारका रुपमा त्रिलोचन पङ्गेनी, शिवनाथ पाण्डे, नारायण पौडेल र चिन्तामणि शिवाकोटीको नाम सिफारिस गरेका थिए ।
पुस १० गतेदेखि डेपुटी गभर्नर पद रिक्त रहेको सो पदमा यी चार मध्ये कसलाई बनाउने भन्ने टुंगो लाग्न बाँकी नै छ । राष्ट्र बैंकमा दुई डेपुटी गभर्नर हुन्छन्, त्यसका लागि चार जनाको नाम सिफारिस गर्नु पर्ने कानुनी व्यवस्था छ ।
माघ १८, २०७२/ १०.००
वि.सं.२०७२ माघ १८ सोमवार १०:५१ मा प्रकाशित
