काठमाडौं। सरकारले काठमाडौं उपत्यकाभित्र विद्युत्तीय बस सञ्चालनका लागि पहल सुरु गरेको छ । संघीय मामिला तथा स्थानीय विकास मन्त्रालयले यसको पहल सुरु गरेको हो ।
इन्धनबाट मात्र चल्ने बसका कारण इन्धनको बढी खपत हुने गरेका कारण सरकारले विद्युत्तबाट चल्ने बस चलाउने तयारी गरेको हो ।
उपत्यकाभित्र विद्युत्तीय बस सञ्चालनका लागि सम्भाव्यता अध्ययन गर्न मन्त्रालयले चीन सरकारलाई औपचारिक रुपमा आग्रह गरेको छ । नेपालस्थित चिनियाँ राजदूतावासमार्फत मन्त्रालयले पहल सुरु गरेको हो ।
यसका लागि मन्त्रालयले विद्युत्तीय बस उत्पादन गर्ने चिनियाँ कम्पनीलाई पत्र पठाइसकेको छ ।
प्रकाशित–२०७२ फागुन २
वि.सं.२०७२ फागुन २ आइतवार १०:२९ मा प्रकाशित
