काठमाण्डौं । भारतसँग गरेको सम्झौता अनुसार मुज्जफुर–ढल्केवर प्रसारण लाईन मार्फत् नेपालले भारतसँग प्रति युनिट ७ रुपैयाँमा ८० मेगावाट बिजुली किन्ने भएकोछ । यसरी किनिएको बिजुली भोलिदेखि उपलब्ध हुनेछ ।
दुईदेशबीच भएको व्यापार सम्झौता अनुसार प्रति युनिट भारु ३.४४ अर्थात साढे पाँच रुपैयाँ रहेको छ। त्यसमा प्रसारण लाइन शुल्क प्रति युनिट १.५३ रुपैयाँ जोड्दा बिजुली प्रति युनिट ७ रुपैयाँ पर्ने भएको हो।
नेपाल विद्युत प्राधिकरणका कार्यकारी निर्देशक मुकेशराज काफ्ले र भारत सरकारले तोकेको नोडल एजेन्सी एटिपिसी विद्युत व्यापार निगमका महाप्रबन्धक एके मग्गुले हिजो विद्युत किन्ने संझौतामा हस्ताक्षर गरेका छन् । दुई पक्षबीच भएको सम्झौताअनुसार नेपालले आउँदो असारसम्म यही बाटोबाट ८० मेगावाट बिजुली ल्याउने छ ।
धनुषाको ढल्केबरस्थित प्रसारण लाइनबाट नेपालको राष्ट्रिय प्रसारण लाइनमा यो बिजुली जोडिने छ। भारतबाट बिजुली थपिएपछि प्राधिकरणले दुई घण्टासम्म लोडसेडिङ कम हुने अनुमान गरेको छ।
४ फागुन २०७२, ८.००
वि.सं.२०७२ फागुन ४ मंगलवार ११:२३ मा प्रकाशित
