गुल्मी । लुम्विनी र आसपासका पर्यटकीय गन्तव्यको प्रबद्र्धन गर्ने मुख्य उद्देश्यका साथ फार्म ट्रिपमा रहेको सोसाइटी अफ् ट्राभल एण्ड टूर अपरेटर्स (सोट्टो–नेपाल) को समूह लुम्बिनी, पाल्पा हुँदै गुल्मीको रिडी–रेसुङगा पुगेको छ ।
चैत ५ देखि सुरु भएको फार्म ट्रिपको शिलशिलामा पर्यटन व्यवसायी र पत्रकारहरुको समूह भैरहवाको लुम्बिनी, पाल्पाको सदरमुकाम तानसेन, गुल्मीको रिडी हुँदै अर्घाखाँचीको तम्घास पुगेको छ ।
लुम्बिनी आसपासका गन्तव्यको आन्तरिक/बाह्य पर्यटन प्रबद्र्धन र त्यस क्षेत्रका पर्यटन व्यवसायी र सरोकार पक्षलाई पर्यटनको विकास गर्नुपर्छ भन्ने सन्देश प्रदान गर्दै फार्म ट्रिपमा सोट्टो स्थानीय स्तरका पर्यटन व्यवसायीहरुलाई अन्तक्रियामार्फत झकझक्याउने कार्य गरेको छ ।
सोट्टोले चैत ६ गते भैरहवामा सिद्धार्थ एशोसियसन अफ ट्राभल्स टूर एजेन्ट साट्टा नेपालसँगको संयुक्त आयोजनामा अन्तक्र्रिया सम्पन्न ग¥यो । कार्यक्रमका प्रमुख अतिथी नेकपा एमाले पर्यटन प्रबद्र्धन विभाग प्रमुख सूर्य थापाले पर्यटन प्रबद्र्धन गर्न ठोसरुपमा कार्य गर्न स्थानीय पर्यटन व्यवसायीलाई अनुरोध गरेका थिए ।
कार्यक्रममा सहभागीहरुले संख्यात्मक भन्दापनि गुणात्मक पर्यटक भित्र्याउने कार्यमा सबै दत्तचित्त भएर लाग्नुपर्ने धारणा राखेका थिए । तत्पश्चात् आन्तरिक पर्यटन प्रबद्र्धन अन्तर्गत उक्त समूहले भगवान गौतम बुद्धको जन्मस्थल लुम्बिनीको भ्रमण गरेको थियो ।
लुम्बिनी आसपासका कार्यक्रम अन्तर्गत समूह त्यसपश्चात् पाल्पाको सदरमुकाम तानसेन पुग्यो । तानसेनमा होमस्टेको प्रबद्र्धन गर्दै स्थानीयसँग अन्तक्र्रिमा जुटेको थियो । चैत ७ गते समूहले तानसेन नगरपालिकामा सोट्टो नेपालसँगै होमस्टे एशोसियसन अफ नेपाल, पाल्पा र नाट्टा पाल्पाले संयुक्तरुपमा एक कार्यक्रम गरी पाल्पाका पर्यटकीय स्थलका बारेमा जानकारी लिइएको थियो ।
कार्यक्रममा प्रमुख जिल्ला अधिकारी, जिविस कार्यालयका प्रतिनिधि, सुरक्षा निकायका प्रमुख तथा प्रतिनिधि, पूर्व सभासदहरु, राजनीतिक दलका जिल्ला प्रतिनिधी, उद्योग वाणिज्य संघका पदाधिकारी लगायत स्थानीय पर्यटन व्यवसायी, पत्रकार र सरोकार पक्षको सहभागीता रहेको थियो । कार्यक्रममा पाल्पाका स्थानीय पर्यटन व्यवसायीहरुले ट्रिपमा सहभागी पर्यटन व्यवसायी र पत्रकारहरुलाई पाल्पाको प्रख्यात ढाकाको खादाले सम्मान गरेका थिए ।
त्यसपछि फार्म ट्रिप समूह गुल्मीको रिडी पुगेको थियो । रिडीमा सयौंको संख्यामा उपस्थित स्थानीय पर्यटन व्यवसायी, सरकारी निकायका प्रतिनिधी र स्थानीय पत्रकारहरुको समूहले बाजागाजा, भजनकृतन सहित स्वागत गरेका थिए । रिडीको कालीगण्डकी नदी, शालिग्रामको अवलोकनका साथै नदी किनारमा अवस्थित हृषेश्वर मन्दिर, देवदत्त ऋषि र रुरु कन्याको मूर्तिका साथै रुरु क्षेत्रको अध्ययन अवलोकन ग¥यो ।
रिडी क्षेत्रका स्थानीय पर्यटन व्यवसायीसँग अन्तक्र्रिया गर्दै टोली गुल्मीको तम्घास हुँदै चैत ८ गते सोमबार अर्घाखाँचीको सन्धिखर्क प्रस्थान गरेको छ ।
यी सबै क्षेत्रका पर्यटन व्यवसायीमाझ अन्तक्र्रियामा सोट्टोका अध्यक्ष यमबहादुर खड्काले लुम्बिनी आसपासका पर्यटकीय गन्तव्यको प्रबद्र्धन र पर्यटकको बसाई लम्ब्याउने किसिमका पर्यटन प्याकेज तयारीको क्रममा आफुहरु लागिपरेको र यसमा सहकार्य गर्न स्थानीय पर्यटन व्यवसायीलाई आग्रह गरेका थिए ।
चैत १० गतेसम्मको अभियान अन्तर्गत सोट्टो टीम गुल्मीको रेसुङ्गा हुँदै अर्घाखाँचीको सुपादेउराली–नरसिंह स्थान र प्यूठानको स्वर्गद्धारीसम्म पुग्ने र त्यहाँ स्थानीयसँग अन्तक्र्रिया गर्ने कार्यक्रम रहेको छ ।
भ्रमणले लुम्बिनी आसपासका गन्तव्य प्रबद्र्धन गर्न, बजारीकरण गर्न र पर्यटन प्याकेज निर्माणका लागि सहज हुने सोट्टो नेपालको आशा छ । सोट्टो नेपालले हरेक वर्ष आन्तरिक पर्यटन प्रबद्र्धन र गन्तव्यको बजारीकरणका लागि यस किसिमको कार्यक्रम सञ्चालन गर्दै आएको छ ।
शब्द : हरिशरण न्यौपाने, तस्बिर : रामेश्वर कार्की
८ चैत २०७२
वि.सं.२०७२ चैत ९ मंगलवार ००:१४ मा प्रकाशित
