काठमाडौं । आफ्नो समस्यालाई वेलैमा सम्वोधन नगरेर सिहदरवार घेराउ गरेर भएपनि शसक्त दवाव दिने भोटेकोशी बाढी पीडितहरुले योजना वनाएकाछन् ।
आईतवार काठमाण्डौको तीनकुने भेला भएका पीडितहरुले तातोपानी नाका खोल्ने र अरनिको राजमार्ग मर्मतको काम संगै पीडितहरुलाई क्षति पूर्तिको ब्यवस्था गरिनुपर्ने माग राखेकाछन् । काठमाडौं आईपुगेका पीडितहरुले बिभिन्न राजनीतिक दलका नेताहरुलाई प्रतिवद्धता समेत गराएकाछन् । भर्खरै भोटेकोशीमा आएको बाढीले ८० भनदा बढी पक्की घर भत्काएर नदीमा लगे पनि सरकारी तवर वाट खास्सै पहल नभएकोमा दुख ब्यक्त गरेकाछन् । सिन्धुपाल्चोक उद्योग बाणिज्य संघको अगुवाईमा भएको एक साक्षात्कार कार्यक्रममा पीडितहरुको गुनासो सिहदरवारसम्म लैजाने उदेश्यका साथ यो कार्यक्रम आयोजना संघका अध्यक्ष कमलकुमार श्रेष्ठले बताए । तातोपानी नाका हुदै दैनिक अरवौंको ब्यपार हुने भएपनि हाल अरनिको राजमार्ग बाढीले बगाएपनि रोकिएको ब्यापारले हजारौ मानिसहरु वेरोजगार भएको उनीहरुको गुनासो थियो ।
यस क्षेत्रमा भएको यति ठूलो क्षतिका वारेमा राज्य अझै वेखवर जस्तै रहेका र सम्वोधनको पहल नभएको गुनासो गर्दै गातीका निमफुञ्जो शेर्पाले यस्तै अवस्था रहे सिंहदरवार घेरेर भएपनि क्षतिपूर्तिका लागि पहल गर्ने बताए । जुरे पहिरो, महाभुकम्प र भोटकोशी बाढीले सिन्धुपाल्चोकलाई लथालिङ्ग तुल्याएपनि सरकारी निकायले चासो नराखेको पीडितहरुको भनाई छ । नेपाल हिमालय सिमापार बाणिज्य संघका अध्यक्ष बिष्णुवहादुर खत्रीले नीजी क्षेले केही चासो राखे पनि सरकारी निकायले राहत र क्षतिपूर्तिका सवालमा ध्यान नदिएकोमा चिन्ता ब्यक्त गरे ।
चीनको तिब्बत क्षेत्रमा आएको बाढीले सिन्धुपाल्चोकको तातोपानी,लिस्ती,मार्विन,फुल्पिङकटी,गातीलगायतका क्षेत्रका पक्की घरहरु र अरनिको राजमार्गको बाह्रवीसे तातोपानी खण्डको २५ किलोमिटर सडक पूर्ण रुपमा क्षति भएको छ । सो क्षेत्र बिद्युत, टेलिफोनलगायतका सुबिधा पूर्ण रुपमा बञ्चित भएकाछन् ।
२ साउन २०७३
वि.सं.२०७३ साउन २ आइतवार १४:१३ मा प्रकाशित
