काठमाण्डौं । छिमेक लघुवित्तले गत बर्षको खुद नाफाबाट लगानीकर्तालाई ४० प्रतिशत बोनस र १२.७ प्रतिशत नगद लाभांश दिने भएकोछ । बैंक संचालक समितिको कात्तिक ११ गते बसेको बैठकले सो लाभांश प्रस्ताव गरेको हो । लघुवित्तहरुमा छिमेक चुक्ता पूँजी धेरै भएको दोस्रो ठूलो कम्पनी हो ।
५९ करोड ५७ लाख रुपैयाँ चुक्ता पूँजी रहेको बैंकको ४० प्रतिशत बोनस जारी गरेपछि ८३ करोड नाघ्ने छ । बैंकले गत आर्थिक बर्षमा ४७ करोड २६ लाख रुपैयाँ कमाएर प्रति सेयर आम्दानी ७९ रुपैयाँ ३४ पैसा कायम गरेको थियो ।
त्यस्तै, नागबेली लघुवित्त विकास बैंक लिमिटेडले ८० प्रतिशत लाभांस प्रस्ताव गरेको छ। लघुवित्तमध्ये चालु बर्ष सबैभन्दा बढी लाभांश प्रस्ताव गर्ने नागवेली हो।
कम्पनीले यसमध्ये २० प्रतिशत नगद र बाँकी ६० प्रतिशत वोनस सेयर दिने प्रस्ताव गरेको हो। कम्पनीले प्रस्ताव गरेको लाभांस राष्ट्र बैंकबाट स्वीकृत हुन बाँकी छ। कम्पनीले गत बर्ष ५० प्रतिशत हकप्रद सेयर दिएको थियो। कम्पनीको कार्य क्षेत्र १० जिल्ला हो।
१२ कार्तिक २०७३, १२।३०
वि.सं.२०७३ कात्तिक १२ शुक्रवार १३:०९ मा प्रकाशित