डोल्पा । तिहारमा सम्पन्न शहरतिर देउसी भैलो खेलेर चामल संकलन भईरहँदा डोल्पालीले भने सहुलियतको चामल नपाउँदा चिन्तामा तिहार कटाउनु परेको छ ।
खाद्य संस्थानले तिहारका लागि पनि चामल उपलब्ध नगराएपछि डोल्पालीलाई खाद्यान्नको चटारोले चिन्तित बनाएको हो । उनीहरुले दसैँदेखि नै सहुलियतको चामल पाएका छैनन् ।
खाद्य संस्थान शाखा कार्यालयले ठेकेदारको लापरबाहीका कारण ढुवानीमा ढिलाई भएको बताउँदै चामल उपलब्ध नगराएपछि डोल्पाली महँगो मूल्य तिरेर स्थानीय बजारमा चामल किन्न बाध्य भएका छन् ।
बाँके, दाङ, सुर्खेतलगायत जिल्लाबाट खाद्यान्न उठाइ सकिएतापनि ढुवानीमा ढिलाइ भएकाले डिपोमा मौज्दात रहेको खाद्यान्नले प्रतिपरिवार एक महिनाका लागि खाद्यान्न उपलब्ध गराउन नसकिने भएपछि वितरण नगरेको शाखा प्रमुख हरिप्रसाद जोशीले बताए ।
भनिदेउ त सरकार जनताको यस्तो पिडा कहिलेसम्म ?
प्रकाशित मितिः २०७३ कार्तिक १४
वि.सं.२०७३ कात्तिक १४ आइतवार १६:२८ मा प्रकाशित
