काठमाडौं । यही बुधबार र बिहीबार हुने बहुक्षेत्रीय प्राविधिक तथा आर्थिक सहयोगका लागि बंगालको खाडी प्रयास (बिमस्टेक) सम्मेलनको पूर्वतयारी पूरा भएको छ । स्थापनाको दुई दशक पुगेको बिमस्टेकको सम्मेलन यो चौथो पटक हो । यस पटक आयोजक राष्ट्र नेपालमा हुन लागेको हो ।
बिभिन्न ठाउँमा स्वागत गेट बनाएर सातवटा देशका झण्डा झकिझकाउ रुपमा फहराउन थालेका छन् । माइतीघर मण्डलालाई बेहुली जस्तै सिंगारिएको छ । सडकका खाल्टाखुल्टी पुरेर लाज ढाक्ने प्रयास गरिँदै छ ।
सम्मेलनमा भाग लिन सात वटा मुलुकका कार्यकारी प्रमुख आउने भएका छन् । सम्मेलनमा भारत, भुटान, बंगालादेश, श्रीलंका, थाइल्याण्ड र म्यानमारका राष्ट तथा सरकार प्रमुख र सरकारी अधिकारीको बाक्लो उपस्थिति हुनेछ ।
सम्मेलनमा भाग लिन आउने पाहुनालाई तीन घेराको सुरक्षा दिइने भएको छ । सुरक्षा व्यवस्थालाई चुस्त बनाउन सेनाले हवाई गस्ती गर्ने भएको छ । उनीहरुलाई बिभिन्न पाँच तारे होटलमा राखिने भएको छ ।
सम्मेलनमा सहभागी हुनका लागि भोली (मंगलबार) देखि नै सदस्य राष्टका प्रमुखहरु नेपाल आउन थाल्ने छन् । सम्मेलनमा भाग लिन म्यानमारका राष्टपति विन मिन्ट, श्रीलंकाका राष्टपति मैत्रिपाल श्रीसेना, भुटानका प्रधानन्यायाधीश तथा सरकारका अन्तरिम सल्लाहकार दसो छिरिड. वाड.चुक, भारतीय प्रधानमन्त्री नरेन्द्र मोदी, बंगालादेशका प्रधानमन्त्री शेख हसिना र थाइल्याण्डका प्रधानमन्त्री प्रयुट च्यान नेपाल आउँदै छन् ।
यस सम्मेलनले खासगरी दक्षिणपूर्वी एशियाली देशहरुसँग आवत जावत गर्न सहज हुने गरी यातायात र विद्युत प्रसारणलाइन (इनर्जी ग्रिड) जोडने बिषमा छलफल हुने र निचोड निकाल्ने अनुमान गरिएको छ । नेपाल सम्मेलन आयोजक राष्ट भएकाले प्रचार प्रसारलाई अन्तराष्टिय करण गर्न सहयोग पुग्ने अपेक्षा गरिएको छ ।
सरकारले सम्मेलन अवधिभर जोर बिजोर प्रणालीबाट यातायात सञ्चालन गर्ने निर्णय गरेको छ । १३ र १५ गते बिजोर नम्बरका सवारी सञ्चालन गर्ने छन् भने १४ गते जोर नम्बरका सवारी साधान सञ्चालन हुने छन् ।
२०७५ भदौ ११ गते प्रकाशित
वि.सं.२०७५ भदौ ११ सोमवार १३:१२ मा प्रकाशित