काठमाडौं । माछापुच्छे बैंक, कैलास विकास बैंक, सप्तकोशी डेभलपमेन्ट बैंकको सेयर आजसम्म किन्नेले मात्र लाभांश पाउने भएका छन् । गत वर्षको लाभांश पाउन यी तीन बैंकले आज (बिहीबार) बुक क्लोज गर्दैछन् ।
माछापुच्छे बैंकले १० प्रतिशत नगद लाभांश दिँदै छ । यसले यही पुस २० गते वार्षिका साधारणसभा गर्दै छ । यसैगरी कैलाश विकास बैंकले पनि आजसम्म सेयर खरिद गर्नेलाई मात्र लाभांश दिँदै छ । कैलाश विकास बैंकले १७ प्रतिशत नगद लाभांश वितरण गर्दै छ ।
साथै, सप्तकोशी डेभलपमेन्ट बैंकले पनि ८.०३६ प्रतिशत लाभांश वितरण गर्दै छ । उक्त बैंकले आज बुक क्लोज गर्दै छ । सप्तकोशी विकास बैंकले ५.०३६ प्रतिशत नगद लाभांश र ३ प्रतिशत बोनस सेयर बितरण गर्दै छ ।
२०७५ पौष ५ गते प्रकाशित
वि.सं.२०७५ पुस ५ बिहीवार १२:२७ मा प्रकाशित