काठमाडौं । नेपाल बैंकको प्रमुख कार्यकारी अधिकृतका लागि १४ जनाको आवेदन परेको छ । अधिकांस आवेदकहरु नेपाल बैंक, राष्ट्रिय बाणिज्य र कृषि विकास बैंकका बहालवाला र अवकाशप्राप्त छन ।
निजी क्षेत्रका बैंकबाट आवेदन दिने न्युन छन देखिएको छ । प्रमुख कार्यकारीको कार्यकाल ४ वर्षको रहने छ भने मासिक तीन लाख रुपैयाँ तलब पाउने छन ।
आवेदकमध्ये अधिकांस कम सुनिएका र चिनिएकाहरु छन । बैंककै कामु प्रमुख कार्यकारी अधिकृत भएर चलाइरहेका कृष्णबहादुर अधिकारीले पनि आवेदन दिनुभएको छ ।
आवेदन दिनेमा रामदेव यादव, अरुणकुमार ढुंगाना, शेषरमण आचार्य, पूर्णप्रसाद आचार्य, पुष्पराज भण्डारी, मुराहरिप्रसाद अर्याल, अशोक खड्की, सुन्दर पन्थी, राजुनाथ खनाल, दिल्लीराम शर्माले, गोविन्दप्रसाद दाहाल, दुर्गाकुमारी कँडेल, शंकरकुमार रायमाझी हुनुहुन्छ ।
बैंकले सबैको प्रस्ताव हेरेर अन्तर्वार्ता सुरु गर्ने छ । यसमध्ये ३ जनाको नाम नियुक्तिका लागि सिफारिस हुने छ । सञ्चालक समितिले एक जनालाई नियुक्त गर्ने छ । यो प्रकृया टुगिङ्न कम्तीमा पनि एक महिनाभन्दा केही बढि लाग्ने बैंकले जनाएको छ ।
२०७६ भदौ ५ गते प्रकाशित
वि.सं.२०७६ भदौ ५ बिहीवार ११:२२ मा प्रकाशित