बागलुङ । पोखराका क्रियाशिल पत्रकार ओम हमाललाई विना सर्त रिहाईको माग गर्दै नेपाल पत्रकार महासंघ बागलुङ शाखाले प्रधानमन्त्रीलाई नेपालको संविधान उपहार पठाएको छ ।
सर्वोच्च अदालतले रिहा गरे लगत्तै प्रहरीले उनलाई पुन पक्राउ गरेपछि त्यसको विरोधमा बुधबार बागलुङ शाखाले प्रमुख जिल्ला अधिकारी लुकबहादु क्षेत्री मार्फत प्रधानमन्त्री र गृह मन्त्रीलाई संविधान उपहार र ज्ञापन पत्र पठाएको हो ।
ज्ञापन पत्रमा अदालत परिसरबाटै पुन पक्राउ परेका पत्रकार हमालको विना सर्त रिहाईको माग गरिएको छ । गण्डकी प्रदेशका सबै शाखा मार्फत बुझाइएको ज्ञापन पत्रमा आस्थाको आधारमा पक्राउ गर्न नपाइने उल्लेख गरिएको छ ।
‘लामो समयदेखि क्रियाशिल र मुलधारको पत्रकरिता गरिहरका व्यक्तिलाई एउटा विचार र आस्थाको आधारमा पक्राउ गर्नु उचित होइन,’ पत्रकार महासंघ बागलुङका अध्यक्ष दिल शिरिषले भन्नुभयोे, ‘अभिव्यक्ति स्वतन्त्रता र मौलिक हकविरुद्धको ज्यादती भएकोले विरोधमा उत्रिनु परेको हो ।’ प्रधानमन्त्रीलाई संविधान उपहार सांकेतिक विरोध भएको उहाँले बताउनुभयो । -नयाँ पत्रिकाबाट
२०७६ भदौ १८ गते प्रकाशित
वि.सं.२०७६ भदौ १८ बुधवार १६:२६ मा प्रकाशित
