२०७६ कात्तिक ०९ गते प्रकाशित
काठमाडौं । नेपाल राष्ट्र बैंकले २० रुपैयाँ दरका २४ करोड थान नयाँ नोट छपाइका लागि अन्तराष्ट्रियस्तरको बोलपत्र आह्वान गरेको छ ।
राष्ट्र बैंकले शनिबार सार्वजनिक सूचना जारी गर्दै सार्वजनिक खरिद नियमावलीले गरेको व्यवस्था बमोजिम अन्तर्रा्ष्ट्रिय स्तरको बोलपत्र आह्वान गरेको हो।
राष्ट्र बैंकको चालु आर्थिक वर्षको वार्षिक कार्ययोजना तथा बजेटमा नयाँ नोट छपाइसम्बन्धी प्रक्रिया अघि बढाएने कुरा उल्लेख गरेको थियो ।
नोट छपाइका लागि बोलपत्र प्रक्रिया सुरु भएसँगै वार्षिक कार्ययोजना पनि अघि बढेको हो । निश्चित प्रक्रिया पूरा गरेका बैंक नोट प्रिन्टिङ कम्पनी तथा सेक्युरिटी प्रिन्टिङ कम्पनीहरुले आगामी डिसेम्बर १० सम्ममा बोलपत्र पेस गर्न सक्नेछन ।
वि.सं.२०७६ कात्तिक ९ शनिवार १४:१२ मा प्रकाशित
