काडमाडौं । नेपाल राष्ट्र बैंकले नेपाल भ्रमण वर्ष २०२० को प्रवर्द्धनमा सहयोग गर्न बैंक तथा वित्तीय संस्थालाई निर्देशन दिएको छ ।
राष्ट्र बैंकको निर्देशनअनुसार इजाजत प्राप्त बैंक तथा वित्तीय संस्थाले आफ्नो वेवसाइट लगायत अन्य सामाजिक सञ्जालमा भ्रमण वर्ष–२०२० को लागो र सचिवालयको वेबसाइटको लिंक राख्नुपर्नेछ ।
राष्ट्र बैंकले पर्यटकको आवागमन बढी हुने प्रमुख पर्यटकीय गन्तव्यमा नेपाल पर्यटन बोर्ड र नेपाल भ्रमण वर्ष सचिवालयसँग समन्वय गरी संस्थागत सामाजिक उत्तरदायित्व अन्तर्गतका कार्यहरु गर्न भनेको छ ।
पर्यटकलाई सहज हुने किसिकको शौचालय, डस्टवीन, पिउने पानी तथा विश्राम स्थल जस्ता पूर्वाधार बनाउने कार्यमा सहभागिता जनाउन केन्द्रीय बैंकले बैंक तथा वित्तीय संस्थालाई निर्देशन दिएको छ ।
२०७६ पुस १६ गते प्रकाशित
वि.सं.२०७६ पुस १६ बुधवार १४:३७ मा प्रकाशित
