काठमाडौं । आजैदेखि लागू हुने गरि कुमारी बैँकले नयाँ व्याजदर सार्वजनिक गरेको छ । बैंकले कर्जा तथा निक्षेपको लागि नयाँ ब्याजदर सार्वजनिक गरेको हो ।
नयाँ ब्याजदर अनुसार बैँकले विभिन्न बचत खाताहरुमा २.५ देखी ६.५ प्रतिशतसम्म ब्याज दिने छ । त्यसमध्ये डलर बचत खातामा २.५ प्रतिशत ब्याज र शेयरधनी बचत खाता , कुमारी स्वास्थ जीवन बचत खाता ,सबैको बचत खाता लगायतका खाताहरुमा ६.५ दिइने छ ।
साथै अन्य बचत खाताहरुमा ५.५ प्रतिशतका दरले ब्याज निर्धारित गरेको छ । बैंकले यसबाहेक व्यक्तिगत मुद्दति खातामा ९.२५ , संस्थागत मुद्दति खातामा ८.५० र बिदेशी मुद्रा मुद्दति खातामा ३.२५ व्याज दिने जनाएको छ ।
बैँकले ऋण दिदा कर्जाको प्रकार अनुसार १६.५२ प्रतिशत देखी १८.५२ प्रतिशतसम्म व्याज लिने जनाएको छ । हाल बैँकको आधारदर १०.५२ छ । बैँकले त्यसैमा ६ देखी ८ प्रतिशत सम्म प्रिमियम जोडेर व्याजदर निर्धारण गरेको हो । जसमध्ये ,बैँकले आधार दर सहित जोडेर घर कर्जा र सवारी कर्जामा १८.५२ व्याजदर निर्धारण गरेको छ ।
वि.सं.२०७६ फागुन १९ सोमवार ११:२० मा प्रकाशित
