काठमाडौँ । नेपाली बजारमा अण्डाको मूल्य बढेको छ । लकडाउन खुकुलो भएसँगै अण्डा उत्पादक संघले अण्डाको मूल्य बढाएको हो । लकडाउन खुकुलो भएपछि अण्डाको माग बढ्न थालेपछि अण्डा उत्पादक संघले अण्डाको मूल्य बढाएको बताइएको छ ।
संघले क्यारेटमा २० रुपैया बढाएको हो । २८५ रुपैयाँ पर्ने क्यारेटको मूल्य अब बढेर ३०५ रुपैयाँ पुगेको बतायएको छ । लकडाउन शुरु हुँदा अण्डाको मूल्य प्रति क्यारेट २४० रुपैयाँ रहेको थियो ।
बैशाखदेखि हालसम्म संघले तीन पटक अण्डाको मूल्य बढाएको छ । किसानको फर्ममा ३०३ रुपैयाँ पर्ने अण्डाको मूल्य अब घरसम्म पुग्दा ३५० सम्म पुग्ने बताइएको छ ।
वि.सं.२०७७ असार ९ मंगलवार १२:१५ मा प्रकाशित
