चितवन । जिल्ला प्रशासन कार्यालय चितवनले दोस्रोपटक एक साता निषेधाज्ञा थप गर्ने निर्णय गरेको छ । उक्त कार्यालयले दोस्रो चरणको निषेधाज्ञाको शुक्रवार अन्तिम दिन भदौ १९ गतेसम्मको लागि निषेधाज्ञा थप गर्ने निर्णय गरेको हो ।
तर, यो पटक थपिएको निशेधाज्ञा केही खुकुलो बनाइने निर्णय भएको छ । चितवनमा कोरोना संक्रमणको जोखिम र त्रास थप बढ्दै गएकाले निषेधाज्ञाको अवधि बढाउनु पर्ने आवश्यक भएको सहायक प्रमुख जिल्ला अधिकारी नेत्र शर्माले जानकारी दिए ।
उनका अनुसार अत्यावश्यक सेवा अन्तर्गत बैंक तथा वित्तीय संस्था र अन्य केही सेवालाई लभने केहि खुकुलो बनाइने बनाइने छ । व्यवसायीहरु र अन्य नागरिकबाट गुनासो आएकाले बैंक तथा वित्तीय संस्था खुकुलो बनाउने निर्णय भएको उनले बताए ।
साथै उद्योग तथा कलकारखानाभित्र निश्चित स्थानमा क्वारेन्टाइनको व्यवस्था गरी सञ्चालन तथा आवाज–जावत गर्न सकिने र कृषिजन्य ढुवानी, खानेपानी, बिजुली, इन्टेरनेट लगायतका सवारीसाधनलाई खुकुलो बनाईने निर्णय गरिएको छ ।
वि.सं.२०७७ भदौ १२ शुक्रवार १७:१२ मा प्रकाशित