एजेन्सी । भुटानले कोरोना भाइरसको संक्रमण बढ्न सक्ने भन्दै लगाएको लकडाउन हटाएको छ । कोरोनाको जोखिम कम भएका ठाउँहरुमा आजदेखि चरणबद्ध रुपमा लकडाउन खुलाइएको हो । अब आजदेखि आफ्नो क्षेत्रमा बिना कार्ड हिँडडुल गर्नसकिने छ ।
सेप्टेम्बर ४ तारिखदेखि जोङखागभित्र यात्रु बस अनि ट्याक्सी चलाउन सक्ने, तर सामाजिक दूरीको ख्याल गर्दै ५० प्रतिशत यात्रु मात्र बोक्न पाइने बताइएको छ । ७ तारिखदेखि निजी गाडी लिएर हिँड्न सक्ने, ११ तारिखदेखि एक ठाउँबाट अर्को ठाउँमा जान सक्ने, तर त्यसका लागि प्रहरीबाट अनुमति लिनुपर्ने बताइएको छ।
आगामी ७ तारिखदेखि सबै कार्यलय तथा संघसंस्था खुला हुने बताइएको छ। आगामी ७ तारिखदेखि ग्रोससी र औषधि पसल र भोजनालय खुल्ने भएको छ ।
स्कुल, कलेज अनि संघसंस्था खुलाउने विषयमा सरकारले छलफल गरिरहेको जनाइएको छ। फुन्छोलिङ, साम्ची, गेलेफु, साम्ड्रुपजोङखर जस्ता सिमा क्षेत्रका सहर बजारमा भने संक्रमणको जोखिम बढी भएकाले कार्ड लिएर हिँडने नियम लागू हुने बताईएको छ।
वि.सं.२०७७ भदौ १६ मंगलवार १२:३९ मा प्रकाशित
