कैलाली । कैलालीमा निषेधाज्ञाको जारी राखिएको छ ।
कैलालीका प्रमुख जिल्ला अधिकारी यज्ञराज बोहोराले जिल्लामा कोरोना भाइरसको संक्रमण बढीरहेको भन्दै निषेधाज्ञा जारी राखिएको बताए । तर निषेधाज्ञा केही खुकुलो बनाइएको छ ।
सार्वजनिक सवारी साधनको हकमा जोरबिजोर प्रर्णाली हटाइएको छ भने ५० प्रतिशत यात्रु बोक्न पाइइने मापदण्ड अबलम्बन गरेको छ ।
व्यापार व्यवसाय पहिलाको जस्तै मापदण्ड प्रयोग गरि संचालन गर्न पाइने भए पनि खेलकुद, शैक्षिक संस्था भने अर्को सूचना जारी नहुँदासम्म बन्द रहने छन् ।
होटलहरु भीडभाड नहुने गरी संचालन गर्न पाइने छ । तर राति १० बजेदेखि ५ बजेसम्म अत्यावश्यक काम बाहेक हिड्डुल गर्न रोक लगाइएको छ ।
वि.सं.२०७७ भदौ ३१ बुधवार २१:४८ मा प्रकाशित
