काठमाडौं । बिहीबार शेयर बजारको परिसूचक नेप्से ३० अंकले बढेको छ।
३०. ७८ अंकले बढेर परिसूचक १ हजार ५७२ अंकमा कायम भएको छ । ११ बजे कारोबार खुलेपछि १८ मिनेटसम्म ओरालो लागेको बजार त्यसपछि निरन्तरजसो उकालो लाग्यो।
आज १९१ कम्पनीको ३ अर्ब ३६ करोड रुपैयाँको शेयर किनबेच भएको छ । यस दिन खासगरी होटल र जलविद्युत क्षेत्रमा लगानीकर्ताको आकर्षण देखिएको छ ।
निषेधाज्ञा खुलेपछि लगानीकर्ता होटल क्षेत्रमा आकर्षित भएका छन्। निषेधाज्ञाका बीचमा कतिपय होटलको मूल्य घटेको अवस्था रहेको र क्रमिक रुपमा पर्यटन क्षेत्रमा सुधार हुने अनुमानका बीचमा लगानीकर्ता होटल क्षेत्रमा तानिएका हुन्।
वि.सं.२०७७ असोज १ बिहीवार १५:३६ मा प्रकाशित
