काठमाडौं । नागरिक लगानी कोषले हकप्रद शेयर निष्कासन प्रयोजनका लागि पुस १४ गते एक दिन शेयरधनी दर्ता पुस्तिका बन्द गर्ने भएको छ ।
कोषले गत असार २० गते सम्पन्न वार्षिक साधारणसभाबाट पारित गरेको १,३५,९२,५९२ कित्ता हकप्रद शेयर निष्कासनका लागि एक दिन दर्ता पुस्तिका बन्द गर्ने निर्णय गरेको हो ।
कोषको हकप्रदन शेयरका लागि शेयरधनी दर्ता पुस्तिका बन्द हुने मितिको अघिल्लो दिनसम्म नेपाल स्टक एक्सचेञ्ज लिमिटेड (नेप्से)मा भएको कारोबारबाट शेयर खरिद गरी आवश्यक कागजातसहित कोषको केन्द्रीय कार्यालय नयाँबानेश्वरमा प्राप्त विवरणको आधारमा भौतिक तथा हितग्राही खातामा कायम भएका शेयरधनीहरुले मात्र हकप्रद शेयरको लागि दरखास्त दिन पाइने छ ।
त्यस्तै शेयरधनी र खरिदकर्ताहरुलाई सोहीअनुसार नामसारी गरिदिन पनि कोषले अनुरोध गरेको छ ।
वि.सं.२०७७ पुस ६ सोमवार ०८:५६ मा प्रकाशित
