काठमाडौं । एनआईसी एशिया बैंक म्युचुअल फण्ड अन्तर्गतको पहिलो खुलामुखी योजना एनआईसी एशिया डाइनामिक डेप्ट फण्डको इकाई अनलाईन मार्फत खरिद गर्न सकिने भएको छ ।
बैंकका आुसार योजनाको इकाई लगानीकर्ताहरुले सहजै रुपमा खरिद गर्ने अवसर प्राप्त होस भनेर एनआईसी एशिया क्यापिटलले अनलाईन मार्फत एनआईसी एशिया डाइनामिक डेप्ट फण्डको इकाई खरिद गर्न सकिने व्यवस्था मिलाएको जनाएको छ ।
अनलाईन मार्फत उक्त डेप्ट फण्ड योजनाको इकाई खरिद गर्नको लागि एनआई सी एशिया क्यापिटलको वेभसाइटमा गएर रितपुर्वक विवरण भरी योजनाको इकाई खरिद गर्न सकिने छ ।
हाललाई इकाई खरिद बापतको रकम भुक्तानी गर्नको लागि बैंकको अनलाईन सेवा, कनेक्ट आइपिएस र खल्ती डिजिटल वालेट मार्फत गर्न सकिने छ । यस सम्बन्धी जानकारी आवश्यक परेमा क्यापिटलको ९८५११२१९६४ मा सम्पर्क गर्न सकिने छ ।
वि.सं.२०७८ जेठ ७ शुक्रवार १०:१५ मा प्रकाशित