काठमाडौं । प्रभु सेलेक्ट फण्डको इकाईमा १४५ प्रतिशत बढी आवेदन परेको छ । १० करोड इकाईको माग गरिएकोमा शुक्रबारसम्म १४ करोड ५६ लाख २० हजार ६०० इकाईका लागि आवेदन परेको छ ।
५६ हजार ३१२ जना सर्वसाधारण लगानीकर्ताले १ अर्ब ३० करोड ६२ लाख ६ हजार बराबरको १३ करोड ६ लाख २० हजार ६०० इकाई खरिदका लागि आवेदन परेको हो । प्रभु क्यापिटलले जेठ ५ गते देखि प्रतिइकाई १० रुपैयाँका दरले १ अर्बको १० करोड इकाई म्युचुअल फण्ड बिक्रीमा ल्याएको थियो ।
फण्डले १५ प्रतिशत इकाईमध्ये कोष प्रबद्र्धक प्रभु बैंक लिमिटेडलाई १ करोड ४० लाख र कोष व्यवस्थापक प्रभु क्यापिटललाई १० लाख इकाई सुरक्षित गरी बाँकी रहेको ८ करोड ५० लाखइकाई सर्वसाधारणलाई बिक्री खुला गरेको हो । फण्डमा लगानीकर्ताहरुले न्यूनतम १०० देखि अधिकतम १ करोड इकाईसम्म आवेदन दिन पाउने व्यवस्था रहेको छ । ९ गतेसम्म आवेदन दिन सकिने छ ।
वि.सं.२०७८ जेठ ७ शुक्रवार १७:२२ मा प्रकाशित