काठमाडौं । रोजगारीको खोजीमा रहेका नेपालीहरुका लागि सुनौलो अवसर सृजना भएको छ । मञ्जुश्री फाइनान्सले सहायक पदका लागि कर्मचारी माग गरेको छ ।
एक सूचना निकाल्दै कम्पनीले विभिन्न शाखाका लागि ७५ जना कर्मचारी माग गरेको हो । कम्पनीले रुपन्देहीका शाखा कार्यालय जोगिकुटी, भैरहवा, नयाँगाउँ, बुटवल, मिनग्रामका लागि कर्मचारी माग गरेको हो ।
यस्तै, चितवन जिल्लाका लागि भरतपुर शाखा, टाँडी, पर्सा बजार, गैंडाकोट (नवलपुर), सुनसरी शाखा इनरुवा, झुम्का र मोरङ शाखा विराटचोकका लागि कर्मचारी माग गरेको सूचनामा उल्लेख छ ।
उक्त पदका लागि व्यवस्थापनमा स्नातक तह उत्तिण, ३५ वर्ष ननाघेको हुनुपर्नेछ । इच्छुक उम्मेदवारहरुले व्यक्तिगत विवरण तथा निवेदनमा शाखा उल्लेख गरी सूचना प्रकाशित भएको सात दिन भित्र [email protected] मा पठाई सक्नु पर्नेछ ।
वि.सं.२०७८ असार १३ आइतवार १०:४० मा प्रकाशित