काठमाडौं । साताको चौंथो कारोबार दिन तीन कम्पनीमा लगानीकर्ता झुम्मिएका छन् । बुधवार छिमेक लघुवित्त, अप्पर तामाकोशी र हिमालयन डिस्टीलरीको सर्वाधिक सेयर कारोबार भएको हो ।
उक्त दिन सबैभन्दा बढी छिमेक लघुवित्तको ४३ करोड ५४ लाख २७ हजार रुपैयाँ बराबरको सेयर कारोबार भएको छ । कम्पनीको आज २ लाख ६८ हजार ४३९ कित्ता सेयर खरिदबिक्री भएको नेप्सेले जनाएको छ । कम्पनीको सेयर मूल्य प्रतिकित्ता एक हजार ६९९ रुपैयाँ रहेको छ ।
उक्त दिन कारोबार रकमकै आधारमा दोस्रो स्थानमा रहेको अप्पर तामाकोशीको २६ करोड १६ लाख ७४ हजार रुपैयाँ बराबर सेयर खरिदबिक्री भएको छ । उक्त दिन कम्पनीको ३ लाख ८१ हजार २३५ कित्ता सेयर खरिदबिक्री भएको हो । कम्पनीको सेयर मूल्य प्रतिकित्ता ६७७ रुपैयाँ रहेको छ ।
यस्तै, बुधवार हिमालयन डिस्टीलरीको २३ करोड ५३ लाख ७७ हजार रुपैयाँ बराबरको कारोबार भएको छ । आज कम्पनीको ४२ हजार ६३७ कित्ता सेयर खरिदबिक्री भएको नेप्सेले जनाएको छ । कम्पनीको सेयर मूल्य प्रतिकित्ता ५ हजार ४६२ रुपैयाँ रहेको छ ।
त्यसैगरि आज नेपाल पुनर्बीमा कम्पनीको १४ करोड ५० लाख ४८ हजार, निर्धन उत्थान लघुवित्त वित्तीय संस्थाको १३ करोड ९८ लाख , नेपाल टेलिकमको ११ करोड ६९ लाख ५४ हजार, निफ्राको १० करोड ९३ लाख ७६ हजार र एनआईसी एशिया बैंकको १० करोड ४० लाख ३८ हजार रुपैयाँ बराबरको सेयर कारोबार भएको छ ।
वि.सं.२०७८ असार २३ बुधवार १७:४४ मा प्रकाशित