काठमाडौ । नेपाल बैंकर्स संघ पुस महिनामा निक्षेपको व्याजदर नबढाउने सहमति गरेका छन् । शुक्रबार बसेको संघको बैठकले व्याज बढाएपनि निक्षेप नवढेपछि पुस महिनामा भने व्याजदर नबढाउने सहमति गरेका हुन् ।
बैंकरहरुले तरलता संकट बढेसँगै निक्षेप संकलनका लागि भन्दै कात्तिक र मंसिर महिनामा व्याज बढाएका थिए । तर व्याज बढाइएको महिनामा बैंकरहरुले सोचेजति निक्षेप ल्याउन नसकेपछि पुस महिनामा भने व्याजदर नबढाइ बस्ने बैंकरहरुको सहमति भएको हो ।
संघले फाइनान्स र विकास बैंकहरुको संस्थासँग पनि राय मागेर आगाडी बढ्ने कुरा भएको संघका एक सदस्यले जानकारी दिएका छन् । विहिबार अर्थसमितिको बैठकमा गभर्नर महाप्रसाद अधिकारीले तरलता अभावका कारण पुस महिनामा व्याजदर बढ्न सक्ने संकेत दिएका थिए ।
गत कात्तिकमा राष्ट्र बैंककले पुुसको लािग ९.३६ प्रतिशत आधारदर तोक्दै त्यसमा १० प्रतिशतसम्म निक्षेपमा ब्याज बढाएर उठाउन सक्ने व्यवस्था गरेको थियो । संघको बैंठकमा नेपालका २७ ओटा बाणिज्य बैंकमध्ये २५ ओटा बैंकका सीईओ तथा प्रतिनिधिहरुको उपस्थिती रहेको थियो ।
वि.सं.२०७८ मंसिर २४ शुक्रवार १७:०६ मा प्रकाशित