काठमाडौं । राष्ट्रिय वाणिज्य बैंकले शाखा कार्यालयका घर भाडामा खोजेको छ ।
बैंकको बागमती प्रदेश कार्यालयले एक सूचना निकाल्दै पर्सा–चितवन शाखाका लागि घर भाडामा लिन लागेको जनाएको छ ।
बैंकले पर्सा बजारको मुख्य क्षेत्र(चौवीसकोठी) बाट ५ सय मिटर आपसपासको मुख्य सडकमा अवस्थित भवन तथा घर भाडामा लिन लागेको हो ।
उक्त स्थानभित्र पानी, बिजुली बत्ति, टेलिफोन, पार्किकङ्ग सुविधा, घरको भुई तल्लामा एटीएम मेसिन जडान गर्ने सुविधा भएको हुनुपर्ने सूचनामा उल्लेख छ ।
यस्तै, जेनेरेटर, सौर्य उर्जा उपकरण राख्ने सुविधा लगायतका बैंकिङ व्यवस्था संचालन गर्न उपयुक्त सुरक्षा व्यवस्था भएको कस्तीमा २ वटा शौचालय, २५ सयदेखि ३ हजार वर्गफिटसम्मको क्षेत्रफल भएको पक्की घर भएको हुनुपर्ने बैंकले जनाएको छ ।
बैंकका लागि घर भाडा दिन इच्छुक घरधनीहरुले घरको चार किल्ला प्रमाणपत्र, घर/जग्गाधनीको प्रमाण पुर्जा, नेपाल नागरिकताको प्रतिलिपि, घरको नक्सा तथा बैंकले उपलब्ध गराएको बोलपत्र फारममा माग भए अनुसारको आवश्यक विवरण भरी आजैका मितिले १५ दिनभित्र शिलबन्दी बोलपत्र पेश गर्न सक्नेछन् ।
विस्तृतका लागि हेर्नुहोस् सूचना :
वि.सं.२०७८ मंसिर २७ सोमवार १४:४७ मा प्रकाशित