काठमाडौं । साताको दोस्रो कारोबार दिन सेयर बजारमा भारी अंकको गिरावट आएको छ । उक्त दिन बजार ७९.२३ अंकले घटेको छ ।
३.३६ प्रतिशतले बजार घटेको उक्त दिन ३ अर्ब ९९ करोड ५६ लाख ४ हजार रुपैयाँ बराबरको सेयर कारोबार भएको छ ।
उक्त दिन सबैभन्दा बढी नबिल बैंकको सेयर कारोबार भएको छ । आज बैंकको १८ करोड ३ लाख ५९ हजार रुपैयाँ बराबरको सेयर खरिदबिक्री भएको हो ।
बैंकको आज १ लाख ३० हजार ६९५ कित्ता सेयर किनबेच भएको छ । बैंकको सेयर मूल्य भने प्रतिकित्ता १ हजार ३६६ रुपैयाँ १० पैसा कायम भएको छ ।
कारोबारकै आधारमा आज नेशनल हाइड्रोपावर कम्पनी दोस्रो स्थानमा रहेको छ ।
आज कम्पनीको १३ करोड ४१ लाख ९८ हजार रुपैयाँ बराबरको सेयर खरिदबिक्री भएको हो । नेप्सेका अनुसार आज कम्पनीको ४ लाख १२ हजार ४ कित्ता सेयर किनबेच भएको छ ।
यस्तै, उक्त दिन हिमालयन डिस्टीलरीको १२ करोड ८ लाख २६ हजार रुपैयाँ बराबरको सेयर किनबेच भएको छ ।
कम्पनीको २२ हजार ७२७ कित्ता सेयर खरिदबिक्री भएको हो । कम्पनीको सेयर मूल्य भने ५ हजार २३९ रुपैयाँ रहेको छ ।
त्यसैगरि मञ्जुश्री फाइनान्सको १० करोड ९२ लाख ९५ हजार रुपैयाँ बराबरको सेयर किनबेच भएको छ । कम्पनीको आज १ लाख ८ हजार ७७२ कित्ता सेयर खरिदबिक्री भएको हो । कम्पनीको सेयर मूल्य भने ९९४ रुपैयाँ कायम भएको छ ।
उक्त दिन महालक्ष्मी विकास बैंकको पनि १० करोड १३ लाख ८ हजार रुपैयाँ बराबरको सेयर कारोबार भएको छ ।
आज बैंकको १ लाख ९५ हजार ८६ कित्ता सेयर किनबेच भएको हो । बैंकको सेयर मूल्य प्रतिकित्ता ५१७ रुपैयाँ कायम भएको छ ।
वि.सं.२०७८ मंसिर २७ सोमवार १५:४० मा प्रकाशित
