काठमाडौं । साताको पहिलो कारोबार दिन दुई कम्पनको सेयर मूल्यमा उछाल आएको छ ।
उक्त दिन गोर्खाज फाइनान्स र हिमालयन डिस्टीलरीको सेयर मूल्यमा सकरात्मक सर्किट लागेको हो ।
आज गोर्खाज फाइनान्सको सेयर मूल्य १० प्रतिशत अर्थात प्रतिकित्ता ९२ रुपैयाँ ३० पैसाले वृद्धि भएको हो । योसंगै कम्पनीको सेयर मूल्य आज १ हजार १५ रुपैयाँ ३० पैसा कायम भएको छ ।
नेपाल स्टक एक्सचेञ्ज(नेप्से)का अनुसार आज कम्पनीको १९ करोड २७ लाख १० हजार रुपैयाँ बराबरको सेयर कारोबार भएको छ । उक्त दिन कम्पनीको २ लाख २७ हजार १४३ कित्ता सेयर खरिदबिक्री भएको हो ।
यस्तै, उक्त दिन हिमालयन डिस्टीलरीको सेयर मूल्य पनि १० प्रतिशत अर्थात प्रतिकित्ता ५६७ रुपैयाँले वृद्धि भएको छ । योसंगै कम्पनीको सेयर मूल्य ६ हजार २३७ रुपैयाँ पुगेको छ।
नेप्सेका अनुसार आज कम्पनीको १८ करोड ६६ लाख ४१ हजार रुपैयाँ बराबरको ३० हजार ८७८ कित्ता सेयर खरिदबिक्री भएको छ ।
वि.सं.२०७८ पुस ५ सोमवार १५:१६ मा प्रकाशित