काठमाडौँ । एन आई सी एशिया बैंकले चालु आर्थिक वर्षको दोस्रो त्रैमाससम्म आउँदा सबै सूचकहरुमा अब्बल देखिएको छ ।
बैले चालु आर्थिक वर्षको पहिलो ६ महिनामा २ अर्ब ४० करोड २० लाख ६६ रुपैयाँ खुद नाफा आर्जन गर्न गरेको हो । यो नाफा रकम गत वर्षको सोही अवधिको तुलनामा १६.५७ प्रतिशतले बढी हो । गत वर्षको समिक्षा अवधिमा बैंकले २ अर्ब ६ करोड ५ लाख ३७ हजार रूपैयाँ खुद नाफा आर्जन गरेको थियो।
बैंकले सार्वजनीक गरेको दोस्रो त्रैमासको अपरिष्कृत वित्तीय विवरण अनुसार समिक्षा अवधिसम्ममा खुद व्याज आम्दानी पनि ३२.८१ प्रतिशतले बढेर ५ अर्ब २४ करोड १६ लाख ७२ हजार रूपैयाँ पुगेको छ । गत वर्षको यसै अवधिमा बैंकको खुद व्याज आम्दानी ३ अर्ब ९४ करोड ६८ लाख ६ हजार रूपैयाँ रहेको थियो ।
त्यस्तै सञ्चालन मुनाफा पनि १२.५९ प्रतिशतले बढेर ३ अर्ब ४२ करोड ५ लाख ५५ हजार रूपैयाँ पुगेको छ । गत वर्ष बैंकले ३ अर्ब ३ करोड ८१ लाख ८ हजार रूपैयाँ सञ्चालन मुनाफा गरेको थियो । यसै अवधिसम्म बैंकको वितरणयोग्य मुनाफा ८५ करोड ९३ लाख ९० हजार रुपैयाँ रहेको छ।
त्यस्तै, बैंकको चुक्ता पुँजी ११ अर्ब ५६ करोड ४० लाख ५ हजार रुपैयाँ र जगेडा कोषमा ११ अर्ब ५५ करोड ८ लाख ८३ हजार रुपैयाँ सञ्चित रहेको छ । बैंकको प्रतिसेयर आम्दानी ९ ईपीएस० ४१ रुपैयाँ ५४ पैसा र प्रतिसेयर नेटवर्थ १९९ रुपैयाँ ८९ पैसा रहेको छ ।
वि.सं.२०७८ माघ ७ शुक्रवार ११:२७ मा प्रकाशित