काठमाडौं । नेपाल स्टक एक्सचेञ्ज (नेप्से)मा यस साता दुई कम्पनीको बोनस सेयर सूचीकृत भएको छ ।
नेप्सेमा यस साता रुरु जलविद्युत परियोजना र स्वारोजगार लघुवित्त वित्तीय संस्थाको १४ लाख ३५ हजार कित्ता सेयर सूचीकृत भएको हो ।
जसमध्ये रुरु जलविद्युत परियोजनाको ४ लाख ७ हजार ७०५ दशमलव ५ कित्ता बोनस सेयर नेप्सेमा सूचीकृत भएको हो । कम्पनीले १० प्रतिशत बोनस सेयर बापतको उक्त सेयर सूचीकृत गराएको हो ।
यस्तै, स्वरोजगार लघुवित्त वित्तीय संस्थाको १० लाख २८ हजार १९८.२४ कित्ता बोनस सेयर सूचीकृत भएको हो । कम्पनीले कात्तिक २७ गते सम्पन्न वार्षिक साधारण सभाबाट पारित २५ प्रतिशत बोनस सेयर सूचीकृत गराएको हो ।
वि.सं.२०७८ माघ १४ शुक्रवार १३:३८ मा प्रकाशित