काठमाडौं । नेपाल लाइफ इन्स्योरेन्स कम्पनीले अघिल्लो आर्थिक वर्षको वित्तिय आधारमा बिमीतको लागि बोनशदर घोषणा गरेको छ । कम्पनीले आज आव २०७६।७७ को वित्तीइ विवरणबाट नयाँ बोनसदर सार्वजनिक गरेको हो ।
बीमा समितिबाट यही माघ १३ गते स्वीकृत पाएसँगै कम्पनीले न्यूनतम् ६० रुपैयाँदेखि अधिकतम् ८२ रुपैयाँ बोनसदर (प्रति वर्ष प्रति हजार) दिने घोषणा गरेको छ ।
यस्तो छ सार्वजनीक बोनसदरः
सावधिक जीवन बीमाः
यो बीमालेखअन्तर्गतको सुरक्षित जीवन, जीवन ज्योति, ग्रामिण सावधिक, केटाकेटी, बाल शिक्षा योजना, जीवन लक्ष्मी र जीवन सारथी बीमा योजनाहरु रहेका छन् । यी बीमा लेखमा शून्य देखि १० वर्षको अवधि, ११ देखि १५ वर्ष अवधि र १६ देखि २० वर्ष अवधिको लागि ६० रुपैयाँ प्रतिहजारमा बोनश दिने घोषणा गरेको छ । त्यसैगरी २१ देखि २५ वर्ष अवधिको बीमालेखमा ७०, २६ वर्ष देखि ३० वर्ष अवधिको बीमालेखमा र तीस वर्ष भन्दा माथि अवधि भएको बीमालेखमा ८२ रुपैयाँ बोनश दिने छ ।
त्यस्तै सवाधिक तथा आजीवन (जीवन साहारा)
शून्य देखि १० वर्षको अवधि, ११ देखि १५ वर्ष अवधि र १६ देखि २० वर्ष अवधिको लागि ६० रुपैयाँ प्रतिहजारमा बोनश दिने घोषणा गरेको छ । त्यसैगरी २१ देखि २५ वर्ष अवधिको बीमालेखमा ७०, २६ वर्ष देखि ३० वर्ष अवधिको बीमालेखमा र तीस वर्ष भन्दा माथि अवधि भएको बीमालेखमा ८२ रुपैयाँ बोनश दिने छ ।
यो पोलिसीमा कम्पनीले न्यूनतम २० वर्षसम्मका पोलिसीहरुले ६० रुपैयाँ प्रति वर्ष प्रतिहजार, २१ देखि २५ वर्षका बीमा पोलिसीहरुले ७० रुपैयाँ र २६ वर्ष सो भन्दा बढि अवधीमा बीमा पोलिसीहरुले ८२ रुपैयाँ प्रतिवर्ष प्रतिहजार बोनस पाउनेछन् ।
त्यस्तै, अग्रिम भुक्तानी नामक जीवन समृद्धि बीमा योजनाले न्यूनतम ५६ रुपैयाँ १५ वर्षे अवधीका लागि र ५८ रुपैयाँ २० वर्षे अवधीका लागि बोनस दिने जनाएको छ ।
अग्रिम भुक्तानी सावधिक
यो बीमालेख अन्तर्गत धनवर्षा, नौलो जीवन समृद्धि, नौलो धनवर्षा जीवन उन्नती, जीवन शान्ति र छोराछोरी तथा सदाबहार बीमा पलिसी पर्दछन
यसमा सबै वर्ष समुहका बीमा पोलिसीहरुका लागि ६० रुपैयाँ प्रतिवर्ष प्रति हजार बोनस निर्धारण गरिएको छ ।
वि.सं.२०७८ माघ १६ आइतवार ०९:४० मा प्रकाशित
