काठमाडौं । नेपाल राष्ट्र बैंकले २ अर्ब ३० करोड रुपैयाँ लगानी गर्ने भएको छ । राष्ट्र बैंकले उपदान तथा पेन्सन कोषमा रहेको उक्त रकम बैंक तथा वित्तीय संस्थामा लगानी गर्ने भएको हो ।
राष्ट्र बैंकले वाणिज्य बैंकमा १ अर्ब ८४ करोड, राष्ट्रिय स्तरका विकास बैंकमा ३४ करोड ५० लाख र राष्ट्रिय स्तरका वित्त कम्पनीहरुमा ११ करोड ५० लाख रुपैयाँ मुद्दति निक्षेपका रुपमा लगानी गर्ने भएको हो ।
उक्त लगानी रकम आउँदो फागुन ३ गतेदेखि २०७९ फागुन ३ गतेसम्म ३६५ दिनका लागि हुने बैंकले सूचना मार्फत जानकारी गराएको छ ।
बैंकले मुद्दति निक्षेपका रुपमा राख्न चाहने रकम खुलाई राष्ट्र बैंकमा ब्याजदर प्रस्ताव पेस गर्न आह्वान गरेको छ । बैंक तथा वित्तीय संस्थाले माघ १८ गते ५ बजेभित्र राष्ट्र बैंकमा इमेलमार्फत ब्याजदर प्रस्ताव पेश गर्न सक्नेछन् ।
विस्तृतका लागि हेर्नुहोस्, सूचना:
वि.सं.२०७८ माघ १६ आइतवार १३:०३ मा प्रकाशित