काठमाडौं । सोमबार दुई कम्पनीको सेयर मूल्यमा सकरात्मक सर्किट लागेको छ ।
उक्त दिन फरवार्ड माइक्रोफाइनान्स वित्तीय संस्था र विन नेपाल लघुवित्त वित्तीय संस्थाको सेयर मूल्य १० प्रतिशतले वृद्धि भएको हो ।
साताको दोस्रो कारोबार दिन फरवार्ड माइक्रोफाइनान्सको सेयर मूल्य प्रतिकित्ता २१७ रुपैयाँले वृद्धि भई २ हजार ३८७ रुपैयाँ कायम भएको छ ।
यस्तै, विन नेपाल लघुवित्तको सेयर मूल्य पनि १० प्रतिशत अर्थात प्रतिकित्ता १४७ रुपैयाँ २० पैसाले वृद्धि भएको छ । योसंगै कम्पनीको सेयर मूल्य आज १ हजार ६१९ रुपैयाँ २० पैसा कायम भएको छ ।
सोमबार बुद्धभुमि नेपाल हाइड्रोपावरको सेयर मूल्य पनि उच्च दरमा वृद्धि भएको छ । उक्त दिन कम्पनीको सेयर मूल्य ९.९९ प्रतिशतले वृद्धि भएको हो । कम्पनीको सेयर मूल्य प्रतिकित्ता ५६ रुपैयाँले वृद्धि भई ६१६ रुपैयाँ ४० पैसा कायम भएको छ ।
त्यसैगरि उक्त दिन छ्याङ्दी हाइड्रोपावर कम्पनीको सेयर मूल्य ८.९७ प्रतिशत अर्थात प्रतिकित्ता ४२ रुपैयाँले वृद्धि भई ५१० रुपैयाँ कायम भएको छ ।
यी कम्पनीसहित आज हाइड्रोइलेक्ट्रिसीटी इन्भेष्टमेन्ट एण्ड डेभलपमेन्ट कम्पनी, सीईडीवी हाइड्रोपावर,जीवन विकास लघुवित्त, एनआरएन इन्फ्रास्ट्रक्चर एण्ड डेभलपमेन्ट लगायतका लगानीकर्ताहरुले उच्च दरमा कमाएका छन् ।
वि.सं.२०७८ माघ १७ सोमवार १५:५३ मा प्रकाशित
